តម្លៃដែលហាងដាក់លក់គឺ ៨,៩៩ លានដុង ដែលស្មើនឹងប្រមាណ ៣៩៥ ដុល្លារ ឯណោះ។ ផ្អែកតាមរូបភាពដែលហាងបានបង្ហោះឡើងអាចកំណត់បានថាមិនមែនជាការនាំចូលផ្លូវការពីក្រុមហ៊ុនឡើយ ព្រោះឃើញមានឡូហ្គោ JD.com ដែលជាវិបសាយលក់ Nokia 6 នៅប្រទេសចិន។ ព័ត៌មានបន្ថែមបានពីហាងលក់ខាងលើឲ្យដឹងថា Nokia 6 ប្រើប្រព័ន្ធប្រតិបត្តិការ Android Nougat 7.0 ប៉ុន្តែដោយសារជាម៉ូដែលសម្រាប់ទីផ្សារចិនហេតុនេះមិនមាន Play Store ឡើយ។
Nokia 6 គឺជាស្មាតហ្វូនដែលប្រើបន្ទះឈីប Snapdragon 435, មាន RAM 4 GB, អង្គផ្ទុកទិន្នន័យ 64 GB មានរន្ធអាចបន្ថែមទំហំបាន, អេក្រង់ ៥,៥ អ៊ីញ, មានកាមេរ៉ាកម្រិត 16 MP និង ថ្មទំហំ 3000 mAh។ បច្ចុប្បន្ន Nokia 6 មានលក់ផ្លូវការតែក្នុងទីផ្សារប្រទេសចិនក្នុងតម្លៃប្រមាណ ២៥០ ដុល្លារ៕
ប្រភព៖ Thegioididong