រូបភាពមានចលនា ដែលពាក្យបច្ចេកទេសហៅថា GIFs នោះ យើងឃើញថាមានការប្រើប្រាស់វាច្រើនផងដែរ ពិសេសនៅក្នុង Chat ដោយសារតែវាបង្ហាញពីអារម្មណ៍មួយបែបផ្សេងទៀត ខុសពីការប្រើប្រាស់ Sticker ជាច្រើនប្រភេទ។ ដើម្បីឲ្យ Facebook កាន់តែទំលំទូលាយ ហើយកាន់តែប្លែកនោះ ក្រុមការងារ Facebook ត្រៀមនឹងបើកសិទ្ធិថ្មីមួយផ្សេងទៀត ទៅដល់អ្នកប្រើប្រាស់បណ្ដាញសង្គម Facebook ទាំងអស់ជុំវិញពិភពលោកទាំងអស់ អាចធ្វើការ Comment ជារូបភាពមានចលនាបានផងដែរក្នុងពេលឆាប់ៗខាងមុខនេះឯង។
បច្ចុប្បន្នការលេង Comment នៅលើ Status រូបភាព Event វីដេអូ គឺយើងអាច Comment ជាអក្សរ រូបភាព និង Sticker ប៉ុណ្ណោះ ហើយឆាប់ៗខាងមុខរូបភាពមានចលនា នឹងអាចបន្ថែមថ្មីមួយផ្សេងទៀត កាន់តែពិសេសតែម្ដង នេះដោយយោងតាមប្រភពពត៌មានរបស់ក្រុមការងារ Facebook ដោយបច្ចុប្បន្នមុខងារថ្មីនេះបានកំពុងស្ថិតនៅក្នុងដំណាក់កាលធ្វើតេស្ដសាកល្បងប៉ុណ្ណោះ។ គួរបញ្ជាក់ផងដែរថា មុខងារនេះនឹងចេញឲ្យប្រើប្រាស់តែនៅលើអ្នកប្រើប្រាស់មួយចំនួនប៉ុណ្ណោះ នៅក្ដាដំបូង ដើម្បីស្ទាបស្ទង់ស្រង់មតិជុំវិញការ Comment ជារូបភាព GIFs នេះ បើទទួលបានលទ្ធផលល្អ Facebook នឹងបើកឲ្យមុខងារនេះដំណើរការសម្រាប់អ្នកប្រើប្រាស់ទាំងអស់តែម្ដង។
ដូច្នេះយើងនឹងរង់ចាំមើលទាំងអស់គ្នា ថាតើមុខងារនេះនឹងអាចទទួលបានជោគជ័យដែលឬទេ? បើបានមែន យើងអាចរីករាយក្នុងការ Comment ជារូបភាពមានកាយវិការជាច្រើនលានប្រភេទ!
