ភ្នំពេញប៉ុស្តិ៍
ភាគច្រើន គូស្នេហ៍តែងគិតថាសិចនិងស្នេហាជាប្រធានបទពីរខុសគ្នា។ បើគេនិយាយពីសិចគឺសំដៅទៅលើសកម្មភាពលើគ្រែបែបល្បែងកម្សាន្ត មួយដែលមនុស្សប្រើវិធីសាស្រ្ត និងតាមបច្ចេកទេសរៀងៗខ្លួន។ រីឯការបង្ហាញក្ដីស្រឡាញ់ គឺការប្រើអារម្មណ៍ស្វែងយល់ចិត្តគ្នាទៅវិញទៅមកគ្រប់ស្ថានភាព ទាំងផ្លូវកាយ និងផ្លូវចិត្ត។
នេះគឺការណែនាំដើម្បីឲ្យ អ្នកអាចថ្លឹងថ្លែងតាមកាលៈទេសៈណាសមសម្រាប់សិច និងពេលវេលាណាគួរតែបង្ហាញក្ដីស្រឡាញ់ចំពោះដៃគូ។
គូស្នេហ៍ស្រឡាញ់គ្នាច្រើនឆ្នាំគួរណាត់ជួបគ្នាសម្ដែងក្ដីស្រឡាញ់
ក្រោយពី រួមរស់ជាមួយគ្នាច្រើនឆ្នាំ ភ្លើងស្នេហ៍ហាក់ដូចជា ត្រជាក់ល្ហឹម។ បុរសទំនងជាភ្លេចស្ត្រីដែលខ្លួនប្ដូរផ្ដាច់ថា ស្រឡាញ់នោះ ហើយផ្ដោតអារម្មណ៍លើការងារ ឬមិត្តភក្តិច្រើនជាង។ ប្រសិនបើអ្នកស្ថិតក្នុងដំណាក់កាលនេះ អ្នកគួរតែភ្ញាក់ខ្លួនដោយចាប់ផ្ដើមអ្វីៗពីសូន្យឡើងវិញ។ ចូរ ធ្វើការណាត់ជួបនាងដើម្បីជាឱកាសសម្ដែងនូវក្ដីស្រឡាញ់ដូចនឹងអ្វី ដែលអ្នកធ្លាប់ធ្វើកាលពីផ្ដើមស្នេហ៍នឹងគ្នាថ្មីថ្មោង។ ស្នេហាក៏ដូចជា ថ្មទូរស័ព្ទដែរ បើមិនសាកថាមពលឡើងវិញទេ វាប្រាកដជាខូចមិនខាន។
នាងដើរលេងជាមួយមិត្តភក្តិស្រីៗរួច វាគួរដល់ពេលបើកសមរភូមិសិច
ប្ដីប្រពន្ធតែងតែផ្ដល់ពេលវេលាដល់ គ្នាទៅវិញទៅមកដើម្បីជួបជុំមិត្តភក្តិចាស់រៀងៗខ្លួន។ ជាទូទៅស្ត្រីដែលចេញក្រៅជួបមិត្តភក្តិស្រីៗដូចគ្នានោះ ពួកនាងភាគច្រើនចូលចិត្តអួតពីជីវិតគ្រួសារ និងធ្លោយមាត់ជជែករឿងលើគ្រែប្រាប់គ្នាតិច ឬច្រើនជាមិនខាន។
ពេលដែលនាងត្រឡប់ពីដើរលេង
ជុំ មិត្តភក្តិវិញ វាជាវេលាដ៏ស័ក្ដិសមបំផុតសម្រាប់យុទ្ធនាការសិចជាមួយនាង ហើយសកម្មភាពនេះនឹងធ្វើឲ្យនាងរឹតតែមានជំនឿចិត្តលើអ្នក។
ថ្ងៃឈប់សម្រាកជាឱកាសបណ្តុះចំណងស្នេហាដ៏ផ្អែមល្ហែម
ស្រ្តីគ្រប់រូប ចូលចិត្តដំណើរកម្សាន្តវិស្សមកាលណាស់ ព្រោះវាជាវេលាពោរពេញដោយទិដ្ឋភាពប្លែកភ្នែក ការដើរផ្សារទិញទំនិញតាមចិត្ត គួបផ្សំនឹងអាកាសធាតុល្អ។ ដូច្នេះនាឱកាសឈប់សម្រាកនេះហើយដែលអ្នកជាបុរសត្រូវចេះបង្កើត នូវភាពរ៉ូមេនទិកដើម្បីរឹតបន្តឹងចំណងស្នេហ៍ជាមួយនាងឲ្យបាន ល្អ។ គ្រប់កាយវិការរបស់អ្នកគួរតែចេះបង្កើតភាពកំប្លុកកំប្លែង។ សំណើចរបស់នាងគឺជាថ្នាំសម្រើបធម្មជាតិដ៏ល្អលេខ១ក្នុងលោក។
បន្ទាប់ពីឈ្លោះប្រកែកគ្នាជាឱកាសបង្កាត់ភ្លើងតណ្ហាការ
ឈ្លោះប្រកែកគ្នាគឺជាថាមពលដ៏ចម្លែកអស្ចារ្យមួយដែលបង្កើតឲ្យ មានចំណង់តណ្ហា ហើយសិចគឺជាអ្នកផ្សះផ្សាជម្លោះប្ដីប្រពន្ធដ៏មានប្រសិទ្ធភាពបំផុត ។ ពេលអ្នក និងគូស្នេហ៍ស្រីឈ្លោះប្រកែកគ្នានោះ វាបានបង្កើតឲ្យមានអារម្មណ៍រកាំចិត្តនឹងគ្នា ខណៈក្រពេញអ័រម៉ូនធ្វើឲ្យមានអារម្មណ៍ខឹងក្តៅក្រហាយ រីឯសម្ពាធឈាមអ្នកវិញកើនឡើងស័ក្ដិសមនឹងសង្វៀនលើគ្រែតែម្ដង។ ការបង្កើតឲ្យមានភ្លើងតណ្ហា ឬសិចដុតរោលរាលនាពេលនេះអាចជួយបន្សាបនូវអារម្មណ៍មួហ្មងចិត្ត នោះបាន។
ការប្រារព្ធខួបអនុស្សាវរីយ៍ផ្សេងៗ
ជាពេលវេលាបង្កើតភាពរ៉ូមេនទិកថ្ងៃខួបអនុស្សាវរីយ៍គឺជាមូលដ្ឋានគ្រឹះដ៏ចម្បងមួយក្នុងការផ្ដល់នូវ ភាពរ៉ូមេនទិកដល់នារីជាទីស្រឡាញ់ ព្រោះឱកាសនេះមានតែម្ដងទេក្នុងមួយឆ្នាំ។ ខួបអាពាហ៍ពិពាហ៍គួរតែជាកម្មវិធីពេញមួយថ្ងៃ រយៈពេលវែងលើសនេះ ដោយរួមមានដំណើរកម្សាន្តទៅកន្លែងនានា និងមិនចាំបាច់ផ្ដោតលើសិចពេកទេ។ វាជាឱកាសដ៏វិសេសវិសាលណាស់សម្រាប់បង្កើតនូវសម្ព័ន្ធភាព រ៉ូមេនទិក និងរំឭកនាងឲ្យដឹងថា អ្នកនៅតែស្រឡាញ់នាងជ្រាលជ្រៅដូចគ្រាដំបូង។ ប្រសិនបើអ្នកជ្រើសរើសវិធីប្រារព្ធខួបអនុស្សាវរីយ៍បានល្អ ត្រូវចិត្តនាង ធានាថា រសជាតិសិចដ៏ផ្អែមល្ហែមនឹងកើនឡើងជាមិនខាន។
ពេលប្រថុចញ៉ុច សិចតក់ក្រហល់ស្រ្តី
ក៏មានចំណូលចិត្តសិចបែបឆក់កណ្តៀត ឬតក់ក្រហល់មិនចាញ់បុរសដែរ បើទោះជានាងទុកចំណូលចិត្តនេះជារឿងអាថ៌កំបាំងក្ដី។ ដូច្នេះបុរសចាំបាច់ត្រូវព្យាយាម និងធ្វើតាមដើម្បីតម្រូវការសិចបែបឆក់កណ្តៀតមួយនេះផងដែរ សម្រាប់នាង។ ចូរបុរសៗគិតថា ស្ថានភាពបែបនេះមិនអាចប្រើវិធីសាស្រ្តស៊ីអារម្មណ៍ ឬសម្ដែងភាពរ៉ូមេនទិកអ្វីវែងឆ្ងាយឡើយ គឺនាងត្រូវការសម្ព័ន្ធភាពសិចច្បាស់ណាស់។ ម្យ៉ាងទៀតស្ថានភាពបែបនេះនាងពិតជាមិនត្រូវការសកម្មភាពបបោសអង្អែលអ្វីច្រើននោះទេ។
សរុបយោបល់តី
សរុប ទៅដើម្បីរក្សាសម្ព័ន្ធភាពស្នេហ៍ទាំងកាយ និងចិត្តចាំបាច់ត្រូវតែលំនឹងល្អទើបចំណងស្នេហ៍ស្ថិតស្ថេរបាន យូរ។ ភាគីទាំងសងខាងត្រូវតែចេះរក្សាតុល្យភាពរវាងសិច និងស្នេហា និងដឹងពីកាលៈទេសៈខុសៗគ្នាដែលសមស្របសម្រាប់សកម្មភាពទាំងពីរនេះ។ ពេលខ្លះអ្នកត្រូវផ្ដោតសំខាន់លើការយកចិត្តទុកដាក់ផ្លូវចិត្ត រីឯពេលខ្លះទៀត វាជាវេលាសម្រាប់បង្កាត់ភ្លើងតណ្ហាតែម្ដង៕