មុននេះបន្តិចយោងតាមលោកផែង វណ្ណៈ បានឲ្យដឹងថា៖ ករណីគ្រោះថ្នាក់ចរាចរណ៍មុននេះគឺមានអ្នកស្លាប់ ៣ នាក់ របួសជិត ១០ ក្នុងហេតុការគ្រោះថ្នាក់ចរាចរដ៏រន្ធត់នៅស្ដុបច្រមុះជ្រូកក្បាលថ្នល់ខណ្ឌចំការមន បង្ករឡើងដោយរថយន្តកាមរីឆ្លាមបើកបរបញ្ច្រាសទឹសដៅចរាចរបុករះយកតែម្ដងនៅវេលាម៉ោងជាង ៥ ល្ងាចនេះ ។ អ្នករងរបួសត្រូវបានសមត្ថកិច្ចបញ្ជូនទៅពេទ្យដោយឡែកជនបង្ករត្រូវមហាជនចោមរោមវាយនៅសល់តែដង្ហើមចង្រឹត តែបានសមត្ថកិច្ចអន្តរាគមន៍យកមករក្សាទុកដោះស្រាយតាមផ្លូវច្បាប់៕
(ភ្នំពេញ)៖ គ្រោះថ្នាក់ចរចាណ៍បង្កដោយរថយន្តមួយគ្រឿង បើកបញ្រ្ចាស់ រួចបើកបុករះម៉ូតូ នៅតាមផ្លូវស្ថិតនៅតាមផ្លូវព្រះមុនីវង្ស សង្កាត់បឹងត្របែក ខណ្ឌចំកាមន ពោលនៅជិតច្រមុះជ្រូកក្បាលថ្នល់នោះ បានបណ្តាលឱ្យស្លាប់៣នាក់ របួសជិត១០នាក់ និងខូតខាតម៉ូតូជិត១០គ្រឿងផងដែរ។
បើតាមសេចក្តីរាយការណ៍ថា ដោយសារតែកំហឹងខ្លាំងពេក ប្រជាពលរដ្ឋនៅកន្លែងកើតហេតុ បាននាំគ្នាវាយអ្នកបើកបររថយន្តស្ទើរស្លាប់ និងនាំគ្នាទៅវាយរថយន្តបណ្តាលឱ្យខូតខាតស្ទើរទាំងស្រុងផងដែរ។
នៅពេលកម្លាំងសមត្ថកិច្ចកំពុងព្យាយាមជួយយកអ្នកបើករថយន្តចេញពីកន្លែងកើតហេតុ និងជួយអន្តរាគមន៍នៅកន្លែងហេតុដោយសារតែមានការផ្ទុះតវ៉ាយ៉ាងខ្លាំងពីប្រជាពលរដ្ឋ។
